Қызылордалық полицейлер жоғалған 71 жастағы қарияны іздеп тапты
27 сәуір күні сағат 11:30 шамасында Қызылорда қалалық полиция басқармасының “102” арнасына Қызылжарма ауылының тұрғыны жолдасының үйден 26 сәуір күні сағат 08:30 шамасында белгісіз бағытқа шығып, үйіне қайта оралмағандығы жөнінде арызданған.
Жедел-іздестіру шараларына Ақсай полиция бөлімінің жеке құрамы, патрульдік полиция батальонының қызметкерлері, учаскелік полиция инспекторлары жұмылдырылды.
Нәтижесінде 71 жастағы қария кешкі уақытта қала көшелерінің бірінен аман есен табылды. Қарияның отбасы мүшелері “102” арнасына хабарласқан сәттен бастап полицейлердің дер кезінде ұйымдастырған іздестіру жұмыстарына риза болғанын айтып, Ақсай полиция бөлімінің жеке құрамына алғысын білдірді.
