Бір тәулікте 12 адам коронавирустан қайтыс болды

ҚР Денсаулық сақтау министрлігі соңғы тәулікте коронавирустан қайтыс болғандар статистикасын жариялады, деп хабарлайды www.qazaqparat.kz.

Оған сәйкес, 21 қаңтар күні Қазақстан аумағында 12 адам коронавирустан қайтқан.

Пневмониядан кісі өлімі болмаған. Коронавирустан ажал құшқандардың ең көбі Нұр-Сұлтан қаласында және Ақтөбе облысында - 3 адамнан.

Сондай-ақ, Ақмола облысында - 2, Алматы, Шымкент қалалары мен Қызылорда, Алматы облыстарында - бір адамнан көз жұмды.

Еліміздің басқа өңірлерінде қайғылы жағдайлар тіркелген жоқ.