СЕНІҢ ҰЗАТУ ТОЙЫҢДА
Сенің ұзату тойыңда,шырқалды мен сөзін жазған ән.
Сол сәтте сенің ойыңда,
мен тұрдым сені қызғанған.
Сенің ұзату тойыңда,
ақ жауын жауды құйылып.
Сол сәтте сенің ойыңда,
мен тұрдым ісіп, күйініп.
Сенің ұзату тойыңда,
бұлт торлап алды аспанды.
Сол кезде сенің ойыңда,
мен тұрдым жырлар дастанды.
Сенің ұзату тойыңда,
күлмеді жұрттар жарқырап.
Сол кезде сенің ойыңда,
мен тұрдым білем арқырап.
Сенің ұзату тойыңда,
сезілді жұртқа салқын үн.
Сол күні сенің ойыңда,
мен тұрдым, білем жарқыным!
Сенің ұзату тойыңда,
шырқалды мен сөзің жазған ән.
Сол сәтте сенің ойыңда,
мен тұрдым сені қызғанған...
Ақтөре ИБРАГИМҰЛЫ,
ақын
