Тіршілік тынысы Tirshilik-tynysy.kz ақпараттық агенттігі
» » Анасы өзгеге табыстаған үш баланың қазіргі жағдайлары қандай екені жарияланды

Анасы өзгеге табыстаған үш баланың қазіргі жағдайлары қандай екені жарияланды

Балаларды өз қамқорлығына алған Зульфия Төленова оларға бар мейірімін төгіп жатыр.

Республикалық КТК арнасының "Астарлы ақиқат" бағдарламасы арқылы анасы өзгеге табыстаған үш баланың қазіргі жағдайлары айтылды, деп хабарлайды Today.kz

Бұл туралы аталған бағдарламаның жүргізушісі Дина Төлепберген Instagram желісіндегі парақшасында жазды. 

"Біздің редакторлар Тараз қаласына арнайы барып, Зульфия Төленованың шаңырағында болып қайқан еді. Балалар бізді көтеріңкі көңіл-күймен қарсы алды. Жаңа отбасыға үйренісе бастағандай. Үш мезгіл тамағын жеп, біраз салмақ қосыпты. Борис бұрынғы тұйық қалпынан тайып, адамдармен ашық-жарқын сөйлесетін болған. Өзінен кіші бауырларына бас көз болып жүр. Ал, Жасмин биыл алғаш рет мектеп табалдырығын аттауға дайындалып, әріп үйреніп жүр. Айлин қазір Зульфия апайдың тәттісі, осы отбасының еркесі әрі ханшайымы болған. Мұндағылар оны еркелетіп "Сникерс" дейді. Енді Аилин балабақшаға барады", - деп жазды тележүргізуші. 

Балаларды өз қамқорлығына алған Зульфия Төленова оларға бар мейірімін төгіп жатыр. 

"Зульфия Төленова балаларға өз қамқорлығын аямай жатыр. Ол бүкіл халық аманаттап тапсырған бүлдіршіндерді жылатпаймын деп сөз берді", - деді Дина Төлепберген. 


06 маусым 2019 ж. 955 0