Елбасы Н.Ә.Назарбаевтың әлеуметтік желіде "Ұлы даланың жеті қыры" атты мақаласын оқыдым. Керемет әсер алдым. Шындығында, осы мақалада Ұлы даламыздың жеті қырының кереметін көргендей болдым.
"Кешесіз бүгін жоқ" дегендей өткен тарихымыз жас ұрпақ үшін қашанда тағлымды. Мақала бабалар тарихын егжей-тегжейлі баяндайды.  Ұлы даланың жеті қыры арқылы біз өткенімізді танып, келешегімізге кемелділікпен қарай аламыз. Мақала осынысымен құнды.
Елбасының аталмыш мақаласы бұдан бір жарым жыл бұрын жарық көрген "Болашаққа бағдар: рухани жаңғыру" атты бағдарламалық мақаласының заңды жалғасы іспетті. Ұлт Көшбасшысының бұл еңбегі тарихи сананы жаңғыртуымен де құнды.