Азаматтық белсенділік – қоғам дамуының басты кепілі
23 тамызда өтетін Құрылтай сайлауы – еліміздің қоғамдық-саяси өміріндегі маңызды науқан. Бұл – әрбір азаматтың елдің дамуына қатысты өз ұстанымын білдіріп, қоғамдық жауапкершілігін іс жүзінде көрсететін маңызды мүмкіндік.Қоғамның тұрақты дамуы мен өркендеуі азаматтардың белсенділігіне тікелей байланысты. Құрылтай қоғамдағы өзекті мәселелерді талқылап, түрлі саланың өкілдерін бір мақсатқа біріктіретін маңызды қоғамдық институт ретінде ел мүддесіне қызмет етеді. Сондықтан оның құрамын қалыптастыруда әрбір азаматтың пікірі мен таңдауы ерекше маңызға ие.
Сайлауға қатысу – әр азаматтың конституциялық құқығы ғана емес, мемлекет пен қоғам алдындағы жауапкершілігінің көрінісі. Азаматтардың жоғары белсенділігі қоғамдық келісімді нығайтып, елдің тұрақты дамуына ықпал етеді.
Осыған орай, аудан тұрғындарын 23 тамыз күні Құрылтай сайлауына белсенді қатысып, өз таңдауларын жасауға шақырамыз. Әрбір дауыс – елдің болашағына бағытталған маңызды қадам.
