Конституция – мемлекет пен халық арасындағы басты келісім. Уақыт талабына сай өзгерістер енгізу арқылы басқару тетіктерін жаңғыртып, билік тармақтарының тепе-теңдігін нығай­туға, азаматтардың құқықтары мен бос­тандықтарын қорғауды күшейтуге мүмкіндік туады. Бұл өз кезегінде құқық үстемдігін орнықтырып, әділетті қоғам қалыптастыруға негіз болады.

Сондай-ақ конституциялық реформа саяси жаңғырумен қатар, экономикалық және әлеуметтік тұрақтылыққа да оң әсер етеді. Заңнамалық жүйенің же­тілдірілуі инвестициялық ахуалдың жақ­саруына, мемлекеттік басқарудың ашықтығы мен тиімділігінің арт­уына ықпал етеді. Бұл – халықтың әл-ауқатын көтеруге бағытталған маңызды тетік.

Мемлекет басшысы Қасым-Жомарт Тоқаевтың Жарлығы негізінде өткізілетін референдум аясында қабыл­данатын конституциялық өзгеріс­тер – халық еркіне сүйенген шешім. Әр азамат өз дауысын беру арқылы ел болашағына ықпал етеді. Саналы таңдау мен белсенді азаматтық ұс­та­ным – әділетті әрі тұрақты қоғам құрудың негізі.

Қысқасы, конституциялық реформа – жаңару жолындағы жауапты қадам. Оның табысты жүзеге асуы қоғамның бірлігіне, азаматтардың құқықтық мәде­ниетіне және ел тағдырына деген ортақ жауапкершілігіне байланысты.