Адалдық – қоғам дамуының негізі
Сыбайлас жемқорлық – мемлекеттің тұрақты дамуына, қоғамның әл-ауқатына және азаматтардың мемлекеттік институттарға деген сеніміне кері әсерін тигізетін келеңсіз құбылыс. Сондықтан оған қарсы күрес жүргізу және оның алдын алу бүгінгі күннің маңызды міндеттерінің бірі болып табылады.Мемлекетімізде сыбайлас жемқорлыққа қарсы саясат жүйелі түрде жүзеге асырылып келеді. Бұл бағытта мемлекеттік органдардың қызметінің ашықтығын қамтамасыз етуге, халықпен кері байланысты нығайтуға және мемлекеттік қызметтердің сапасын арттыруға ерекше көңіл бөлінуде.
Айдарлы ауылдық округі әкімдігі өз қызметінде заңдылық, ашықтық және әділдік қағидаттарын басшылыққа алады. Ауыл тұрғындарының өтініштері мен ұсыныстары белгіленген тәртіппен қаралып, мемлекеттік қызметтер заң талаптарына сәйкес көрсетіледі. Сонымен қатар мемлекеттік қызметшілер арасында сыбайлас жемқорлыққа қарсы мәдениетті қалыптастыру және әдеп нормаларын сақтау бағытында тұрақты түсіндіру жұмыстары жүргізілуде.
Сыбайлас жемқорлықтың алдын алуда әрбір азаматтың белсенді ұстанымы маңызды. Қоғамда адалдық пен әділдік қағидаттарын орнықтыру арқылы ғана біз келешек ұрпаққа сенімді әрі дамыған мемлекет қалдыра аламыз.
Құрметті аудан тұрғындары! Заң талаптарын сақтау, мемлекеттік мүлікке ұқыпты қарау және кез келген заңсыз әрекеттерге бейжай қарамау – баршамыздың азаматтық борышымыз. Адалдық пен парасаттылық құндылықтарын дәріптеу арқылы сыбайлас жемқорлыққа қарсы мәдениетті бірге қалыптастырайық.
Адал қоғам құру – ортақ мақсатымыз, ал оған жету – әрқайсымыздың жауапкершілігіміз.
Нұрбол ЖҰМАБЕКОВ,
Айдарлы ауылдық округінің әкімі
Фото: ашық дереккөзден
