Сондықтан сыбайлас жемқорлықтың алдын алу – тек мем­лекеттік органдардың ғана емес, бүкіл қоғамның ортақ міндеті. Ең алдымен, жемқорлықтың алдын алу үшін ашықтық пен жариялылық қағидаларын нығайту қажет. Мемлекеттік қызметтер неғұрлым ашық әрі қолжетімді болған сайын, заңсыз әрекеттердің орын алу мүмкіндігі соғұрлым азаяды.

Қазіргі таңда цифрландыру жүйесінің дамуы бұл бағытта үлкен мүмкіндік беріп отыр.

Сонымен қатар әрбір азаматтың құқықтық сауаттылығын арттыру маңызды. Заңды білетін адам өз құқығын қорғай алады және заңсыз әрекеттерге қарсы тұра алады.

Білім беру ұйымдарында адалдық пен әділдік құндылықтарын насихаттау – болашақ ұрпақты парасатты азамат етіп тәрбиелеудің негізі. Жемқорлықпен күресте қоғамның белсенділігі де ерекше рөл атқарады.

Егер әрбір азамат заң бұзушылыққа бейжай қарамай, тиісті органдарға хабар беріп отырса, бұл құқық бұзушылықтардың азаюы­на ықпал етеді. «Нөлдік төзімділік» қағидасын қалып­тастыру – маңызды қадамдардың бірі.

Сондай-ақ мемлекеттік қызметкерлердің этикасын күшейту және олардың жауапкершілігін арттыру қажет.

Адал қызмет ету – әрбір мемлекеттік қызметшінің басты міндеті. Бұл ретте, олардың еңбегін әділ бағалау мен әлеуметтік жағдайын жақсарту да жемқорлықтың алдын алуға ықпал етеді.

Қорытындылай келе, сыбайлас жемқорлықтың алдын алу – ұзақ мерзімді және жүйелі жұмысты талап ететін процесс. Тек бірлесе әрекет еткен жағдайда ғана біз әділ әрі таза қоғам қалыптастыра аламыз.