Өз кезегінде жастар ре­­сурс­тық орталығының ди­­рек­торы Нұржан Сейтжан же­текшілік ететін «Те­реңөзек» құрамасы 8 ко­манда арасынан үз­дік шықты. Жас та­лант­тардың қа­­­тарында Дамир Баржақсы, Нұрай Жақсылық, Аза­мат Хайрулла, Ер­кебұлан Аябек, музыкамен әр­леуші Ералы Ақтан бар. Бұл рет­те Астана қаласында жай­дарманшылардың өнер көр­сетуіне аудан әкімі Берік Сәрменбаевтың қолдауы ерекше.

– Жас жайдарманшылар байқау барысында жоғары деңгейде өнер көрсетіп, көрерменнің ыстық ықыласына бөленді. Бұл жеңіс – аудан жастарының шығармашылық әлеуеті мен жүйелі дайындықтың нә­тижесі. Жас таланттарға қолдау білдіріп, олардың рес­­публикалық дең­гейде өнер көрсетуіне мүмкіндік жа­­саған аудан әкімі Берік Әбдіғаппарұлына ерекше ал­­ғыс білдіреміз. Жастардың жетістігі – аудан ме­рейі мен ел болашағына деген сенімнің айқын көрінісі. Бұ­ған дейін «Тереңөзек» құрамасы бірнеше мәрте рес­публикалық турнирлерде топ жарып жүргені белгілі. Осы жолы «Jaidarman Junior» жобасына айрықша да­йындықпен барған жас­тар өзге өңірлерден келген жайдарманшылардан же­ңісті жұлып алды десек, қа­телеспейміз. Бұл ретте зор қолдау көрсете білген аудан басшысына шынайы ал­ғысымды білдіремін, – деді Нұржан Сейтжан.

Расында, аудандық мә­дениет үйінің сахнасында қаншама рет өнер көр­сетіп, шыңдала түскен жер­лестеріміз Астана қа­ласында ерекше ойын өр­негімен танылды. Әрине, әрбір жетістіктің артында күнделікті дайындық пен ұтқыр әзілге негізделген мазмұн тұрады.

– «Jaidarman Junior» жобасына қатысу – біз үшін үлкен мақтаныш әрі жауапкершілігі мол ке­зең болды. Сырдария ауданының намысын қор­ғау бізге ерекше жігер беріп, ойынға барынша тың­ғылықты дайындалуға себеп болды. Сахнаға шыққан әр сәтте тек өзімізді емес, ау­данымыздың абыройын ойлап, көрерменнің көңілінен шығуға тырыстық. Бұл жоба бізге көп нәрсе үйретті. Ең алдымен, командалық рух­тың қаншалықты ма­ңызды екенін түсіндік. Әрқайсымыздың ойымыз бен әзілдерімізді біріктіріп, ортақ нәтижеге жұмыс іс­теу – үлкен тәжірибе екені көрінді. Сахна мә­дениеті, импровизация, кө­рерменмен байланыс орнату сияқты дағдыларымыз айтарлықтай дамыды. Біз үшін «Jaidarman Junior» тек ойын ғана емес, үлкен өмір­лік мектеп болды десек, артық емес. Жаңа достар таптық, тәжірибе жинадық, өзімізді әр қырынан сынап көрдік. Осындай мүм­кіндік берген жоба ұйымдастырушыларына және бізді қолдаған жан­күйерлерге ал­ғысымыз шек­­сіз. Алдағы уақытта да «Тереңөзек» құ­рамасы тоқ­тап қалмай, өз өнерін одан әрі дамытып, жа­ңа бе­лестерді ба­ғындыруға ты­рысады. Біз әлі талай жарқын ойындар көрсетіп, кө­рерменді қуанта бе­реміз деп сенеміз, – деді ойыншы Нұрай Жақсылық.