«Руханият орталығында» «Кітап – ұлттың рухани тірегі» атты мерекелік іс-шара өтті. Жиынға аудан әкімі Берік Сәрменбаев, аудан ардагерлері, зия­лы қауым өкілдері, кітап­ханашылар мен оқырман қауым қатысты. Іс-шара бары­сында әсем көм­ке­рілген орталық залында ерекше кітап көрмесі, ұлт­тық әдебиет пен әлем­дік классиканың жау­һар­ларына арналған бұ­рыштар мен кітап керуені ұйым­­дастырылып, келген қонақ­тарға ерекше әсер сыйлады. Өз кезе­гінде аудан басшысы оқыр­мандарды «Ұлттық кі­тап кү­німен» құттықтап, кітап­тың баға жетпес бай­лық еке­нін атап өтіп, бұл күннің рухани-танымдық ма­ңызына тоқталды.

– Кітап – ғасырлар бойы ұр­пақтан-ұрпаққа жал­ға­сып келе жатқан рухани қазына, баға жетпес байлық. Бұл күн – кітаптың қоғамдағы рөлін дәріптеп, білім мен парасатты биікке көтеретін айтулы мереке. Бүгінде Мемлекет басшысы Қасым-Жомарт Кемелұлы Тоқаевтың бастамасымен «Ұлттық кітап күні» аталып өтуде. Президентіміз «Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз. Озық ойлы ұлт болудың төте жолы – кітап оқу» деп ерекше атап өтті. Бүгінде ауданда 17 кітапхана жүйесі және білім ошақтарында кітапханалар бар. Аталған кітап қорларын сақтау жә­не халыққа жеткізуде 50-ден астам кітапханашы аянбай қызмет етіп келеді. Жыл сайын кітап қорлары жаңартылып, кітапхана жұ­мы­сы заманауи техникалармен толықтырылуда. «Ко­воркинг» орталығы, те­гін интернет желісі және аудио-видео құрылғылар пай­даланушылардың элек­трондық ақпараттық ресурстармен жұмыс істеуіне мүмкіндік беруде. Осындай жұмыстардың нәтижесінде жергілікті оқырмандардың белсенділігі, жас ұрпақ­тың кітапқа деген қызығу­шылығы жыл санап артуда. «Кітап – алтын қазына» десек, сол қазынаны оқыр­­манға жеткізіп жүрген кітап­ханашыларға алғысымыз шек­сіз, – деді Берік Әбдіғаппарұлы.

Кітап – адамзаттың рухани қазынасы, ал сол қазы­наны көздің қара­шы­ғындай сақтап, ұрпақтан ұрпаққа жеткізетін жандар – кітапхана қыз­меткерлері. Бүгінде кітап оқу – трендке айналып келеді. «Қазіргі кезде кітап оқу азайды» деген қасаң пікірді жоққа шығаруға болады. Себебі биыл ел кітапханаларына бас сұққандар саны был­тырғымен салыс­тыр­ғанда едәуір көбейген. Бұл халық­тың кітап оқуға деген құш­тарлығының артып келе жат­қанын көрсетеді.

Салтанатты жиын со­ңында кітапханашылар мен белсенді оқырмандарға кітап оқу мәдениетін дәріптеу жо­лындағы еңбектері үшін аудан әкімінің «Алғыс хаты», Қазақстандық салалық кә­сіп­­­одақтың Құрмет грамотасы, облыстық салалық кәсіподақтың «Алғыс хаты» та­бысталып, сый-құрмет көр­­сетілді. Сондай-ақ Ұлт­тық кітап күніне орай аудан әкімдігінің атынан аудандық орталық­тандырылған кітап­ханалар жүйесіне LED-экран мен дыбыс күшейткіш аппаратурасы сыйға берілді.

Бүгінде «Руханият орта­лы­ғында» оқырманына қалт­­қысыз қызмет көр­се­те­тін кітапханашылар түр­лі іс-шараның жоғары дең­гейде өтуіне, рухани қазынаны келер ұрпаққа мұра ету жолында елеулі еңбек етіп келеді. Аталған ғимаратта аудандық ор­талық кітапхана мен балалар кітапханасы орналасса, одан бөлек ауылдық округтерде орналасқан 15 кітапхана ел игілігі үшін жұмысын жүргізіп отыр.