Бағдарламаға қатысқан бойжеткен ойын соңында махаббатты емес, ақшаны таңдады.

“Кел, келінім” бағдарламасында Перизат есімді қатысушы ақша үшін көңіл қосқан жігіттен бас тартты.
Перизатқа 1 млн теңген немесе Данияр есімді өз жұбын таңдау керек болды. Перизат ақшаны таңдады.
“Ақшаны көрсетпей тұра тұрмадыңыздар ма? Даниярды таңдағанна кейін көрсетулеріңіз керек еді. Енді мен ақшаны таңдаймын”, – деді Перизат.
Оның шешіміне түсіністікпен қарағандар да, сынға алғандар да бар.
“Ақшаға адамды сатып кетті”, “Ақша керек болса, бағдарламаға не үшін қатысып жүр”, “Сол ақшаны Данияр да таба алады ғой”, “Ел-жұрт алдында анасы мен баласын ұятқа қалдырды”, – дейді желідегілер.