– Қазіргі таңда бұл жұмыстар тиісті бағытқа қойылып, нәти­желі көр­сеткіштерге қол жеткізуде. Ау­дан көлемінде аса ауыр қыл­мыстар, кісі өлтіру, қарақ­шы­лық, зорлау, кәмелетке тол­ма­ған­дар­ға қарсы жыныстық қол сұғу­шы­лық қылмыстары мүлдем орын алмаған. Бұл мақсатқа қол жет­кізу үшін қылмыс түрінің жолын кесу бағытында атқарылатын профи­лактикалық жұмыстар бел­­гіленіп, олар шынайы түрде орындалды. Өткен жылы аудан аумағында өсім алған қыл­мыстардың алдын алу мақ­сатында ведомствоаралық же­дел мәжіліс өткізіліп, халық ара­сында БАҚ құралдары арқылы фо­то-бейнероликтер жариялау жұ­­­­­мыс­­тары ұйымдастырылды, – де­ген Абай Мұхтарұлы аудан про­куратурасы қадағалауды жүзеге асыру барысында басты назарды азаматтардың Конституциялық құ­­­қық­тары мен бостандықтарын, мемлекеттің мүддесі және кәсіп­керлер мен инвесторлардың құқық­тарының сақталуына, сондай-ақ облыс прокуратурасымен бекі­тіл­ген жобаларды жүзеге асыруға ба­ғыт­тайтынын атап өтті.

Сондай-ақ «Қылмыссыз ауыл – кемел келешек кепілі», «Смарт білезік», «IT-TERGEU», «Нашақор­лыққа жол жоқ» секілді жобалар туралы сөз қозғалды. Одан бөлек, қо­ғам­дағы ахуалға орай түрлі ак­ция, түсіндірме жұмыстары атқары­латыны айтылды.

– «Қылмыссыз ауыл – кемел келешек кепілі» жобасы аясында аудан аумағындағы 137 дүкеннің 82-сі алкоголь өнімдерін сатудан бас тартқан. «Смарт білезік» жобасы бойынша аудан әкімдігімен пробация есебіндегілерге 16 дана Смарт-білезік сатып алынып, үй­қа­мақтағы 16 күдіктіге электронды құрылғыны тағып жүру мін­деттелді. Барлығы мекенжайлары бойынша тексеріліп, сот бел­гі­леген шектеуді бұзу болмады. Үйқамақта жүргендер қайта қылмыс жасамады. Яғни, бұл жоба оң нәтижесін берді. «IT-TERGEU» жо­басы бойынша 6 интернет алаяқ­тықтың 4-еуі ашылып, 2 күдікті сотталса, 2-еуі ақталмайтын негізбен тоқтатылды. Барлық кү­мәнді шот «Антифрод» орта­лы­ғына бұғаттау үшін жолдануда, – деді Абай Мұхтарұлы.

«Нашақорлыққа жол жоқ» жобасы аясында есірткі дү­кендерінің интернет мекенжайлары, сондай-ақ есірткі контенті жарнамасына жүргізілген мониторинг нәти­же­сінде 1 қылмыстық іс тіркеліп, тер­геп-тексеру басталған. Бүгінгі күн­ге есірткі жарнамалаудың 764 есепшоты анықталған. Есірткі және психотроптық заттардың сау­дасынан түскен 21 банктік есепшот бойын­ша 5 млн теңгеге жуық қаражат анықталып, барлығына тергеу сотымен тыйым салу санк­цияланған. Ал «Киберволонтер» акциясы аясында топ мүшелеріне арнайы жилеттер дайындалып, ерік­тілердің қатысуымен зиянды зат­­тар­дың зардаптары туралы жадынамалар, сақтық шаралары ту­ра­лы ескертулер таратылып, ілінген. Бұл ретте, аудан прокуроры мемлекеттік айыпты қолдау, үкімдерді орындау, қоғамдық мүд­делерді қорғау, атқарушылық іс жүргізу салалары бойынша атқа­рылған жұмыстарға тоқталып, жү­йелі іс-шаралар жалғасын табатынын айтып өтті.