Әдеп – бұл тек сыпайылық қана емес, ол адалдық, әділдік, жауапкершілік және заңға құрмет секілді құндылықтардың жиынтығы. Әдепті қызметші жеке мүддені емес, қоғамдық мүддені жоғары қояды, өз өкілеттігін асыра пайдаланбайды, азаматтармен қарым-қатынаста теңдік пен ашықтықты сақтайды.

Қоғамда сыбайлас жемқорлыққа қарсы мәдениетті қалыптастыруда да әдептің рөлі зор. Әдеп нормаларын берік ұстанатын мемлекеттік қызметші заң бұзушылыққа жол бермей, халыққа үлгі болады. Бұл өз кезегінде мемлекеттік басқарудың тиімділігін арттырып, азаматтардың билікке деген сенімін күшейтеді.

Мемлекеттік қызметшінің кәсіби білімі мен тәжірибесі қаншалықты маңызды болса, әдептілігі де соншалықты маңызды. Әдеп – мемлекеттік қызметтің сапасын айқындайтын негізгі өлшем.