Туған жер – тұғырымыз. Ауданымыздың көркеюі, гүлденуі – тұрғындар үшін маңызды. Әдемі, таза жерде жүріп-тұру әрине денсаулығымыз үшін де жақсы. Аудан орталығы Тереңөзек кенті бүгінде күн санап жаңарып, жасарып келеді. Орталық көшелер жанданып, ерекше сипат алуда. Атап айтар болсақ, жаңа ғимараттар бой түзеуімен кент көшелері, көпқабатты тұрғын үйлер келбеті де үлкен маңызға ие. Жыл сайын кент орталығындағы бірнеше көше жоспарға сай жөнделіп, қарқынды құрылыс жұмыстары жүргізіледі. Бұл өз кезегінде ауданымыздың көркейіп, гүлденуіне, тұр­ғын­дардың сапалы тұр­мысын қамтамасыз етуге жасалып жатқан жағдай деуге негіз бар.

Қазіргі аудан келбетін бұрынғымен салыстыра алмайсыз. Себебі жыл сайын жөндеу жұмыстары жүргізіліп, орталық алаң, негізгі көшелер, көп­қа­батты тұрғын үйлер жө­н­де­ліп, ауданымыздың көркі көз тартады. Қоршаған ор­таның таза әрі әдемі бол­уы сырттан келген қонақтарға да жағымды әсер сыйламақ. Ал тұрғындар жақсы дүниені күтіп ұстап, қор­шаған орта мен болашақ үшін таза­лық сақтаса игі.

Таза­лық – терең талғамды қажет ететін ауқымды мәселе. Гүлденген Тереңөзегімізді құлпыртып, күтіп-баптау – әрбір тұрғынның парызы. Жыл сайын аудан көлемінде тұрақты түрде тазалық айлығы жүргізіледі. Биылғы «Таза Қазақстан» эко­логиялық акциясы ая­сын­дағы жұмыс­тар әлде­қашан басталып кетті. Аудан төңірегінде тазалық айлығы жалғасуда. Соның нәти­жесінде, бі­раз кө­шенің бо­йы, алаңдар, ал­леялар тазар­тылып жатыр. Кө­шет­тер отыр­­ғызылып, кө­гал­­­дандыру жұмыс­та­рын жүргізу де на­зар­дан тыс қалған емес. Мә­дениеттіліктің бастауы таза­лық екені айтпаса да түсінікті. Әрбір адам өзінің көшесін, ауласын та­за ұстау арқылы қоғамға пай­дасын тигізеді. Ал қор­шаған орта күл-қоқысқа толып жатса, оның адам денсаулығына тигізер зия­ны көп. Сол себепті де тұрғындар айналаны ластамай, біреудің айтуымен емес, өздерінің денсаулықтары үшін сани­тарлық тазалыққа мән беріп қарағаны жөн.

                                              

Осы тұста, әр азамат өзінің есік алдын, көше жақ бетін тазартып, күл-қоқысты далаға шығармай, өзі тұрып жатқан аумақты таза ұстаса, оның қоғамға тигізер пайдасы көп. Яғни әрбір адам көше тазалығына жауап берсе, кент­тің де келбеті ай­шықтала түсетіні анық. Сондықтан кент тұр­ғындарын кө­ше та­за­лығын сақ­тауға, та­залық акцияларына, оның ішінде рес­пуб­лика бойынша ұйым­дастырылып жатқан «Таза Қазақс­тан» ак­ция­сына белсене қатысып, Те­реңөзек кентінің тазалығын сақ­­тауға біркісідей қа­тысу­ға шақырамыз.

Тағы бір айта кетерлік тақырып – қоқыс мәселесі. Статистикалық деректерге иек артсақ, елімізде жыл сайын 5 миллион тоннаға жуық тұрмыстық қалдық шығады екен. Тұрғындар санына шаққанда әр тұрғынға 400 келі қоқыстан келеді. Қоқыс тастаудың да өзіндік ережесі бар. Қазіргі таңда ауданға қарасты тұрмыстық қатты қалдықтар полигоны өз жұмысын жандандыруда. Облыс әкімі Нұрлыбек Нәлібаевтың қолдауымен, аудан әкімінің тікелей бақылауымен Тереңөзек кенті аумағынан тұрмыстық қатты қалдықтар полигоны салынғаны тұрғындарға белгілі. Бүгінде полигон толықтай техникалық құрылғылармен жабдықталып, мұнда қалдықтарды сұрыптау мен кәдеге жарату процесі іске асырылуда. Аудан орталығында күнделікті жинақталған қалдықтар сұрыпталып, оларды қайта өңдеуге мүмкіндіктер жасалуда. Қазіргі таңда тұрмыстық қатты қалдықтар полигонында бірнеше адам жұмыспен қамтылған. Бұл орайда тұрғындардан ретті-рет­сіз қоқысты тастамауды әрі жиналған қоқысты рұқсатсыз өртемеуді сұ­раймыз.

Тазалық жай ғана жүрдім-бардым қарайтын дүние емес. Мұнда үлкен тәрбие негізі, мәдениет­тілік бар. Себебі, тазалық – адам­ның рухани, мәдени жетілу деңгейінің, кісілігі мен тәрбиесінің маңызды көрсеткішінің бірі. Ол жан-жақты адам өмірін, бола­шағын, имандылығы мен адамгершілік сияқты көптеген тармақтарды қам­тиды. Дана бабаларымыз адам өмірінің зор байлығы – денсаулық десе, ал ден­саулықтың кепілі – тазалық екенін ұғындырған. Сондықтан тазалық – адамның мәдениеттілігінің, адамгершілігінің таразысы, иманның жартысы саналады. Ендеше туған жерімізді, өзіміздің өмір сүріп отырған ортамызды қорғап және бірге көркейтейік!