Жас ұрпақты отансүйгіштікке, патр­иот­тыққа, ерлікке баулу мақ­сатында өткен біріншілікке 8 команда қатысты. Тартысты ойын көрсеткен командалар арасында сырдариялық №11 ОРМБЖМ аяқбопшылары же­ңіске жетіп, жүлделі бірінші орынмен марапатталды. Екінші орынды балалар-жасөспірімдер дене тәрбиесі даярлығы клубы алса, үшінші орынға Қармақшы ауданының спортшылары шықты.

Сонымен қатар жарыс дәстүрі бо­йынша үздіктер марапатталды. «Үздік ойыншы» номинациясымен Арсен Залтай, «Үздік қақпашы» номинациясымен Нұрзат Асхат, «Үз­дік шабуылшы» но­минациясымен Ұлықбек Қабылбек, «Үз­дік қорғаушы» номинациясымен Марлен Әбжан лайық деп танылды.

Ұлы Жеңісті насихаттауға, ардагерге құрмет көрсетуге арналған біріншіліктің жеңімпаз командалары мен үздік ойын көрсеткен жекелей ойыншыларға кубок, медаль және қаржылай сый-сияпат табысталды.