Аталған бағытта Сырдария аудандық про­куратурасының 06.07.2024 жылғы өкімімен құрыл­ған арнайы жұмыс тобымен аудан аумағындағы кәмелетке толмағандар арасында қылмысты болдырмау, жол қауіпсіздігін сақтау және өзге де құқық бұзушылықтардың алдын алу мақсатында апта са­йын профилактикалық рейд жұмыстары жүргізілуде.

Профилактикалық шара барысында анықталған заң бұзушылықтар үшін кінәлі тұлғаларға әкімшілік хаттама толтырылып, 800 000 теңгеге жуық әкімшілік айыппұл салынды. Рейд жұмыстарының мақсаты – әкім­шілік шара көру емес, қоғамдық тәр­тіпті қатаң сақтау, жол көлік оқиғалары мен қайғылы жағдайлардың алдын алу, қоғам үшін туындаған қауіпті жою болып табылады. Осы мақсатта жүргізушілерге жол қауіпсіздігі ережелерін үнемі сақтау маңыздылығы түсіндірілсе, қоғам үшін қауіп тудырған тұлғаларға дер кезінде тиісті шаралар қолданылды.

Мысалы, 10 шілде күні профилак­ти­калық рейд жұмыстары аясында Шаған ауылының тұрғыны ның автокөлікті масаң күйде басқарып жүргендігі анықталып, 11 шілдеде Сырдария аудандық сотының қаулысымен кінәлі тұлға 15 тәулікке әкімшілік қамаққа алынып, 7 жыл мерзімге көлік құралын басқару құқығынан айырылды.

Қоғам үшін қауіп тудырған тұл­ғаны жауаптылыққа тарту арқылы өзге де құқық бұзушылықтар мен қай­ғылы салдарлардың алды алынды.

Құр­метті аудан тұрғындары мен қонақ­тары!

Құқықтарыңыздың бұзылуы немесе заң бұзу­шылықтың куәгері болсаңыз, жедел қызметтердің телефон нөмерлеріне немесе құзырлы органдарға жүгіне алатыныңызды жеткізіп, қоғамдық тәртіпті сақтауларыңызды сұраймыз!