Мемлекет басшысы Жапония Премьер-министрімен телефон арқылы сөйлесті
Қазақстан Президенті Қасым-Жомарт Тоқаев Жапония Премьер-министрі Фумио Кишидамен телефон арқылы сөйлесті, деп хабарлайды Egemen.kz.Қасым-Жомарт Тоқаев Жапонияда болған жер сілкінісіне байланысты жапон халқына сабыр тілеп, табиғат апатының салдары ауыр болмайды деп үміттенетінін айтты.
Өз кезегінде Фумио Кишида Қазақстанға ресми сапарын, соның ішінде «Орталық Азия + Жапония» Диалогының бірінші саммитіне қатысуын амалсыздан кейінге шегергенін өкінішпен жеткізді.
Әңгімелесу барысында Қасым-Жомарт Тоқаев пен Фумио Кишида қазақ-жапон қатынастарының қазіргі жай-күйі мен даму перспективасын талқылап, өңіраралық ықпалдастық мәселелері жөнінде пікір алмасты.
Фото:Ақорда
