Елімізде сыбайлас жемқорлыққа қарсы күрес мәселелерін реттейтін заңнамалық құжаттар бар. Оның әрқайсысы біз үшін аса маңызды. Себебі жемқорлықты жою жұмысы барлық салада жүргізілуі тиіс. Ол үшін одан аулақ болып, өзекті мәселелердің өзегі – тамыр-таныс­тықта екенін терең түсінуіміз қажет.

Әр адам тек өзінің бас пайдасының қамын ғана емес, сонымен қоса тұтастай елдің кемел келешегі мен жарқын болашағын ойлау қажет. Сыбайлас жемқорлықпен күресті ең алдымен әр адам өзінен бастауы тиіс деген ойдамын. Саналы өскелең ұрпақты тәрбиелеп, олардың бойы­на адал қызмет ету, заңсыз жолмен келген ақшамен шалқып өмір сүруді емес, керісінше, сыбайлас жемқорлықсыз болашағы жарқын елде өмір сүру үлкен бір бақыт екенін түсіндіре білу қажет. Әрине, үкімет пен сыбайлас жемқорлыққа қарсы органдар үнемі жағдайды қа­таң түрде бақылауда ұстаулары маңызды. Еліміздің амандығы мен дамы­ғанын, бәсекеге қабілетті мық­ты елдер қатарында болғанын қаласақ, сыбайлас жемқорлықты жеңуге бірге біркісідей жұмыла атсалысуымыз қажет. Қоғам болып бір­лікте болсақ, заңға сүйеніп әрекет етсек, ел болып біріксек алынбайтын қамал жоқ. Сананың өзгеруі адамның ішкі жан дүниесін, пейілін өзгерткенде, өзін саналы тұрғыдан өзгерткісі келсе, бәрі дұрысталары сөзсіз.