18- МАМЫР ЖИТС-АУРУЫНАН (СПИД) ҚАЙТЫС БОЛҒАНДАРДЫ ЕСКЕ АЛУ КҮНІ

Жыл  сайын  мамырдыңүшінші  жексенбісі  әлемЖИТС-тен қайтыс  болғандарды еске алу  күнін атап өтеді. Биыл бұл күн 18 мамырға сәйкес келіп тұр .
Өткізу мақсаты -  ХХІ ғасырғабізбен  қатар  аяқбасқан  «оба » аталған дерттен  көз  жұмғандарды еске алу, қоғамның  назарын аудару және осы жұқпамен өмір сүріп жүрген адамдарға және олардың жақын-жуықтарына, достарына қолдау көрсету, халыққа  АИТВ/ЖИТС-тің жұғу жолдары, сақтану шаралары жөнінде  жайлы мәлімет беру,  АИТВ-дан сақтанбаған кез-келген адам инфекция құрбаны болуы мүмкін екенін, салауатты өмір салтын ұстануға шақыру.
Алғашқы рет еске алу күні 1983 жылы  АҚШ-ның Сан-Франциско қаласында бір топ адамдармен өткізіліп, әрі қарай үрдіске айналды.   Кеуделеріндегі қызыл лента -  еске алу,  АИТВ-жұқпасымен  өмір сүрушілермен ынтымақтастық,  АИТВ-жұқпасы ұлтты,  жасты, лауазымды таңдамайтынғын түсіну белгісі ретінде тағылады.
  30 жылдан астам тарихы бар дертті  бүкіл әлемде  65 млн. адам жұқтырған , олардың 25 млн. ЖИТС зардабынан қайтыс болған.
   Қазақстанда  осы жылдың 1 мамырына  1092 адам тіркелсе ,  өсуімен алғанда  31022  адам,біздің облыста  2018 жылдың 4 айында 5 адам тіркеліп, өсуімен 128 адам  болды.
Ай сайын біздің елімізде 200-250,  ал бір жылда  2000 астам  адам АИТВ-ны жұқтырады.  АИТВ-жұқпасының таралуында шекара жоқ  және жұқтырғандар саны  әлемде әр минут сайын 10 адамға көбейеді екен.
Дертпен күресу бір медицина қызметкерлерінің күші жетпейтіндігі айқын. Қоғамның әрбір саналы  мүшесі осы проблема бар екенін, жылма-жыл көбею үстінде екенін және өз жанұясына,  достарына жауапкершілікті болуды түсіну арқылы бұл эпидемияны азайту, әрі қарай тоқтату мүмкіндік болмақ.  
 Денсаулық баға жетпес байлық , оны  сақтау үшін салауатты өмірді таңдайық!!!

А.ОРАЗБАЕВА,

ЖИТС-тің алдын-алу және оған қарсы  күрес

жөніндегі облыстық орталықтың Сырдария

аудандағы      психоәлеуметтік  

 кеңес беру кабинетінің дәрігері