Аяғынан айырылу кезіндегі естеліктер «Миллион кімге бұйырады?» шоуының қатысушысына 55 миллион теңгеге жуық жүлдені ұтып алуға көмектесті.

Бұл туралы Sky News хабарлады, деп жазады Stan.kz ақпараттық агенттігі.
 «Миллион кімге бұйырады?» шоуының британдық нұсқасына қатысқан Гарет Кендалл ойынның 12-ші сұрағына келгенде, көрермендердің көмегіне жүгіне алмай қалды. Дегенмен, ол «Аркарт ортағасырлық қамалының қалдықтары қай көлдің жағасында орналасқан» деген сұраққа ойланбай жауап бере алды.
«Мен бұл сұрақтың жауабын білемін. Себебі, дәл сол жерде аяғымнан айырылған едім», – дейді Кендалл.
Ол көрермендерге оқиғаның қамалдың өзінде емес, Шотландияның солтүстігінде орналасқан Инвернесс қаласында болғанын түсіндірді.
«Дұрыс есімде болса, ол көлдің жағасында күйреген қамалдың қалдықтары бар. Сондықтан мен Лох-Несс нұсқасын таңдаймын», – деді ол.
Бүгінде бір кафені басқарып отырған Гарет Кендалл 2012 жылдың мамыр айында әйелімен демалысқа барған кезде жол-көлік апаты ұшырап, соның салдарынан аяғынан айырылған. Сол күні ерлі-зайыптылар Шотландияның Инвернесс қаласындағы Аркарт қамалын көруге бара жатқан екен.
Кедалл бұл оқыс оқиғадан кейін «2012 жыл 25 мамыр, бір аяғым қабірде» деп жазып, денесіне татуировка жасатқан.