Тіршілік тынысы Tirshilik-tynysy.kz ақпараттық агенттігі
» » Қызылорда облысында мұнай өндіруді арттыру үшін Қытай технологиясы енгізіледі

Қызылорда облысында мұнай өндіруді арттыру үшін Қытай технологиясы енгізіледі

Арал өңірінде жаңа мұнай кен орындарын игерумен қатар оны өндіруді ұлғайтуға мүмкіндік беретін технологиялар енгізіледі.

Қытайлық Gepetto компаниясымен бірлескен жұмыс жүріп жатыр, ол барлық жерде мұнай өндіру көлемін ұлғайту үшін жаңа технологияларды табысты енгізіп жатыр, - деп хабарлады облыстық мәслихаттың соңғы сессиясында Қызылорда облысының әкімі Нұрлыбек Нәлібаев.

Әкімнің айтуынша, сарапшылардың бағалауы бойынша мұнай өндіру көлемі 20 пайызға дейін ұлғайтылуы мүмкін. Бүгінде Қызылордада осы компанияның өкілдігі ашылып та қойды.

2013 жылдан бастап Қызылорда облысында ескі кен орындарының сарқылуына байланысты мұнай өндіру көлемі 6,5 миллион тоннаға азайды.

Жаңа мұнай кен орындарын игеру үшін Арал бассейнінің батыс және шығыс бөліктерінде геологиялық-геофизикалық зерттеулер жүргізіліп жатыр. Сараптама қорытындысы 2024 жылы шығады, - деді Нәлібаев.

Жалпы 2023 жылдың бірінші жартыжылдығының қорытындысы бойынша Қызылорда облысының әлеуметтік-экономикалық дамуында оң динамика байқалады. Өткен жылдың сәйкес кезеңімен салыстырғанда құрылыс жұмыстарының көлемі 54,9 пайызға өсіп, өңір экономикасына 162 миллиард теңге инвестиция тартылды.

Тауар айналымының көлемі 325,3 миллиард теңгені құрады, мұнда өсім 3,2 пайыз, 318,7 мың шаршы метр тұрғын үй пайдалануға берілді, 36,2 миллиард теңгеге ауыл шаруашылығы өнімі өндірілді.

20 тамыз 2023 ж. 106 0