Өнім қауіпсіздігіне жүргізілген мониторинг нәтижесі

Бүгінгі таңда, біздің саламыздың басты міндеттерінің бірі ішкі сауда нарығы айналымындағы өнімдердің қауіпсіздігіне бақылау жүргізу болып табылады. Осы мақсатта сауда нысандарынан өнімдер сатып алынып, санитариялық-сараптама жүргізуге ҚР ДСМ СЭБК-нің «Ұлттық сараптама орталығы» ШЖҚ РМК Қызылорда облысы бойынша филиалының Сырдария аудандық бөлімшесіне тапсырылады.

Сырдария аудандық санитариялық-эпидемиологиялық бақылау басқармасымен өнімдердің қауіпсіздігін мониторингілеу 2022 жылға арналған Жоспар-кестесіне сәйкес жүргізіледі. 2022 жылы барлығы 202 сынамалар, оның ішінде 193 сынама тамақ өнімдері, 9 сынама тамақ емес өнімдер іріктеліп, сатып алынып, зерттелді. Сатып алынған 202 сынама (82-отандық,112- ЕАЭО-ға мүше мемлекеттер, 8- басқа елдерден) оның ішінде май және май өнімдері-11, ет және ет өнімдері-15, балық және балық өнімдері-7, құс және құс өнімдері -5, шырындар-13, кондитерлік өнімдер-32, алкогольсіз сусындар-14, сүт және сүт өнімдері-35, алкогольді сусындар -4, табиғи минералды емдік-асханалық ауыз су – 5, ұн және жарма өнімдері- 19, нан,тоқаш өнімдері -2, жеміс және көкөніс өнімдері – 14, балалар тағамы -5, балалар және жасөспірімдерге арналған өнім–1, порфюмерия және косметикалық өнім- 5, жуу құралы сынамасы- 1, жеке гигиена құралы-1, ойыншық-1, басқа да өнім түрлерінен – 12 сынамалар алынды.

Жүргізілген санитариялық-эпидемиологиялық сараптама нәтижесімен 7 сынаманың (6- отандық өндіруші, 1- ЕАЭО-ға мүше мемлекеттер) 7,1 пайызы техникалық регламенттердің талаптарына сай келмеді. Сәйкес еместілік анықталған 7 сынаманың 6 сынамасы таңбалау бойынша, 1- сынамасы микробиологиялық көрсеткіш бойынша сәйкес келмеген. Сәйкес келмеген 2 сауда дүкен егелеріне «Халықтың санитариялық-эпидемиологиялық саламаттылығы саласындағы Қазақстан Республикасы заңнамасының талаптарын бұзушылықтарды жою туралы ұйығарымдар» беріліп, жауаптары алынды.

Дүкендерден өнімдерді сатып аларда ерекше мән беретін жағдайларды айтатын болсақ: Тағамның атауына.Тағам өнімінің құрамы. Өнімнің құрамындағы заттар.Салмағы мен көлемі. Өнімнің дайындалған күні. Жарамдылық мерзімі. Сақталу шарттары. Өндіруші туралы мәліметтер.Қолданылуы бойынша нұсқамалар. Тағам өнімінің құндылығы туралы ақпарат. Құрамында ГМО бар немесе жоқ екендігі туралы мәлімет.ЕАС белгісі, бұл белгі «Еуразиялық сәйкестік» дегенді білдіреді және тағам өнімдерінің таңбалануында мемлекеттік тілде ақпараттың болуы керек екенін естен шығармайық. Қауіпсіз өнімді таңдай білейік!

Жанар БИСЕНБАЙ,

Сырдария аудандық санитариялық-эпидемиологиялық бақылау
басқармасының жетекші маманы