Ұйымшылдық үлгісін көрсетті

Әділетті Қазақстанды құру жолында елімізде саяси реформалар жүзеге асуда. Еліміздің ертеңі үшін маңызды шешімдер қабылдану үстінде. Мәселен, 19 наурызда ел тұрғындары ҚР Парламенті Мәжілісі мен барлық деңгейдегі мәслихаттардың депутаттарын сайлауына қатысты.

Сыр өңірінің халқы бұған дейінгі көрсетіп келе жатқан мызғымас бір­лігін көрсете білді. Саяси науқанды ме­рекелік көңіл-күймен қарсы алған жер­гілікті тұрғындар таңертеңнен бас­тап өз таңдауын жасауға келді. Ресми түрде сайлау учаскелер ашылғаннан бас­тап, дауыс беруге келген халықтың қа­расы мол болды. Аудан көлемінде Нау­­рыз мерекесінің қарсаңында өткізілген сайлау күні көпшілікке көже таратылды. Саяси додадан қалыс қалмаған еңбек ардагерлері ұйымшылдық үлгісін көрсетті. Өсіп-өнген, өркенін кеңге жай­ған отбасылардың мүшелері өзі қала­ған үміткерлерге қолдау көрсетіп, белсенді­лігімен көзге түсті.

Аудан көлемінде жүзеге асқан сай­лаудың өткізілу барысын шетелдік бай­қаушылар қатаң қадағалады. Өзге мемлекеттерден келген меймандарға қазақ халқының әдет-ғұрпы таныстырылды. Байқаушылар саяси науқанның өткізі­луіне жоғары баға берді. Республика бо­йынша көш басында тұрған Сыр өңірінің халқын Алла Тағала ынтымақ-бірліктен айырмасын! 

Мұса КЕЛДІБАЕВ,
аудандық ардагерлер
кеңесінің төрғасы