Егде жастағы адамдарға пайдалы жеміс
Диетолог дәрігер Елена Соломатина "Москва 24" басылымына егде жастағы адамдарға пайдалы кептірілген жемісті атады, – деп хабарлайды Tengrinews.kz тілшісі.Маманның сөзінше, егде жастағы адамдар үшін пайдалы кептірілген жеміс - кептірілген өрік екен, себебі оның құрамында бета-каротин көп.
Дәрігер кептірілген өріктің құрамында калий көп екенін атап өтті. Ол денеден артық сұйықтықты кетіреді, жүрек бұлшықетін күшейтеді."Бета-каротин көру қабілетінің қалыпты жұмыс істеуі, жаңа тіндердің өсуі үшін қажет. Бұл иммундық жүйеге, терінің және шырышты қабықтың жаңаруына қажет", - деп түсіндірді диетолог.
Сондай-ақ, кептірілген өрік ішектің жұмысын жақсартатын талшық негізі болып саналады."Калий егде жастағы барлық адамға өте қажет, себебі жүрек қартайған сайын әлсірейді. Сонымен қатар, ол қысымды төмендетеді", - деді Соломатина.
"Көптеген адам қартайған сайын талшықты аз тұтынады. Талшық - бұл тұрақты нәжіс, қалыпты тағамдық кесек және біздің пайдалы микробиомаға арналған тағам. Бұл жақсы ас қорыту үшін қажет. Сау ішек - бұл біздің иммундық және жүйке жүйелеріміз, бұл метаболикалық процесс", - дейді диетолог.
