Су тасқыны жағдайындағы сақтық шаралары
![](/uploads/posts/2023-02/medium/1676055455_601d2d0cd35ce836533730.jpg)
Су тасқыны мен су басудың қауіпті факторлары: тұрғын үйлер мен ғимараттардың, көпірлердің қирауы, темір жолдары мен автомобиль жолдарын су жырып кетуі, инженерлік жүйелердегі авариялар, адам мен малдың өлім-жітіміне алып келуі мүмкін.
Су тасқыны және су басуының салдарынан тұрғын үйлердің және жердің отыруы басталады, жылжу және опырылу жағдайы туындайды.
Су тасқыны және су басу кезеңінде халыққа күні бұрын хабар беретіндіктен, тұрғын үйлерде және жұмыс орындарында радиотрансляция торабы тәулік бойы жұмыс істеуі қажет. Хабарландыру сигналдары, эвакуация жасау шарасы мен ережесімен танысып, оған күні бұрын дайын болыңыз.
Су тасқыны қауіпі туындаған жағдайдағы іс-әрекеттеріңіз:
– төтенше жағдайлар туралы және іс-әрекет жасау ережелері туралы ақпаратты мұқият тыңдаңыз, телефонды қажетсіз қолданбаңыз, ол сізбен байланысу үшін бос болу керек;
– сабыр сақтаңыз, көршілеріңізге ескертіңіз, мүгедек адамдарға, балаларға және қарт адамдарға көмек көрсетіңіз;
– әкімдіктен тұрғындарға эвакуация жасау үшін жиналатын жерді сұрап біліңіз және оған дайын болыңыз;
– құжаттарыңызды, киімдеріңізді, ең қажет заттарыңызды, бірнеше күнге азық-түлік қорын, дәрі-дәрмектеріңізді дайын ұстаңыз. Барлығын шабаданға немесе сөмкеге салып қойыңыз. Құжаттарыңызды су өткізбейтін пакетте сақтаңыз.
– барлық электр құрылғысын тоқтан ажыратыңыз, газды сөндіріңіз.
– құнды заттарыңызды және азық-түліктеріңізді жоғарғы қабатқа немесе жоғары сөреге көтеріңіз.
Су тасқыны кезінде кенет су басу аймағындағы іс-әрекеттеріңіз:
– сабыр сақтаңыз, үрейленбеңіз;
– тез қажетті құжаттарыңызды, құндылықтарыңызды, дәрілеріңізді, азық-түлік және басқа да қажетті заттарыңызды жинаңыз;
– балаларға, мүгедек адамдарға және қарт адамдарға көмек көрсетіңіз, олар эвакуациялауғабірінші жатады;
– мүмкіндігінше тез арада су басу аймағынан шығыңыз;
– жоғарғы қабаттарға көтеріліңіз. Егер үй бір қабатты болса – шатырдың астында болыңыз.
– көмек келгенше жоғарғы қабаттарда, төбелерде, ағаш немесе басқа да жоғары жерде болыңыз, мүмкін болса ұялы телефонмен хабарласыңыз, құтқарушыларға Сізді мүмкіндігінше тез табу үшін белгі беріңіз.
– жақын жерде зардап шеккендер болса, мүмкіндік болса оларға көмек көрсетіңіз.
Есіңізде сақтаңыз, дұрыс іс-әрекет сіздің және сіздің жақындарыңыздың өмірін сақтайды!
Сырдария ауданы бойынша төтенше жағдайлар бөлімі