Оқушылармен жұмыстар күшеюде

Аудандық жастар ресурстық орталығының ұйымдастыруымен Асқар Тоқмағамбетов ауылдық округіндегі №135 мектеп оқушы қыздармен және одан бөлек оқушы ер балалармен еркін форматта кездесу өтті.

Кездесуге аудандық емхананың гинекологы Ногайбекова Марал Токтаровна, аудандық жастар ресурстық орталығының кеңесшілері Жансая Байтәжиева мен Рамазан Ыдырысов, мектеп психологы Омарова Нұргүл және директордың тәрбие ісі жөніндегі орынбасары Ұзақбаева Қаламқас арнайы қатысып, оқушылармен ашық пікірлесті.

Бұл іс-шараның мақсаты: Жасөспірімдер арасындағы ерте жүктіліктің салдары, электронды темекінің зияны мен құқық бұзушылықтың алдын алу және аудандық жастар ресурстық орталығының жұмыс-жоспарларын жеткізу болып табылады.

Ұлағатты ұрпақ тәрбиелеу - бүгінгі қоғамның ең өзекті мәселесі.

Кездесу соңында оқушылар сұрақтар қойып, қонақтар тарапынан қойылған сұрақтарға жауап берілді.

Сырдария аудандық жастар ресурстық орталығы