Жеке қабылдау өткізді
Қызылорда облысының тексеру комиссиясының төрағасы, Әдеп жөніндегі кеңес мүшесі Мұса Қалдарбеков Сырдария ауданының тұрғындарына арнап жеке қабылдау өткізді.Қабылдау аудан әкімдігінде ұйымдастырылды. Алдын ала әлеуметтік желілердегі ресми парақшалар мен аудандық басылым сайтында жарияланған хабарландыруға сәйкес қабылдауға үш азамат келді. Олар түрлі мәселелер бойынша құқықтық кеңес алып, өз сұрақтарын қойды.
Облыстық тексеру комиссиясының төрағасы М.Қалдарбеков әр азаматтың мәселесін жіті тыңдап, заң шеңберінде жауап беріп, көтерілген мәселелердің шешілуін жеке бақылауына алатынын айтты.
Сондай-ақ алдағы уақытта да осы тектес жеке қабылдаулар кеңес мүшелері тарапынан тұрақты түрде өткізілетінін жеткізді.
«Тт» ақпарат
