ТҰТЫНУШЫЛАР ӨЗ ҚҰҚЫҚТАРЫН БІЛУІ ТИІС

Бүгін аудан әкімдігінің мәжіліс залында Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаментінің ұйымдастыруымен Қазақстан Республикасының «Тұтынушылардың құқықтарын қорғау туралы» Заңын түсіндіруге және бөлшек сауда қызметі саласындағы өзекті мәселелерді талқылауға арналған семинар өткізілді. Семинарға мемлекеттік органдардың қызметкерлері, аудандық кәсіпкерлік палатасының мамандары, үкіметтік емес ұйым мүшелері және бұқаралық ақпарат құралдары өкілдері қатысты. Семинар барысында Қазақстан Республикасы Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің Қызылорда облысы бойынша департаменті, тұтынушылардың құқықтарын қорғау бөлімінің басшысы Сүлейменов Ерқасым Жайбергенұлы баяндама жасап, слайд көрсетілді. Жиынға қатысушылар сұрақтарын қойып, қолданыстағы Заң туралы кең көлемде мағлұматтар алды.

Сырдария ауданы әкімінің баспасөз қызметі.