«Іnno.fest» Qyzylorda: идеялар байқауының жеңімпазы атанды

Қызылорда облысының әкімі Нұрлыбек Нәлібаевтың қол­дауымен аймақта екікүндік «Inno.Fest» Qyzylorda инно­ва­циялық идеялар фестивалі өтті.­

Биыл екінші рет өткізілген идеялар бай­қауы «SmartСity», «Контент&Медиа», «Ки­но&Видео» бағыттарын қамтыды. Әр ба­ғыт бойынша қатысушылар 24 сағат ішін­де ин­новациялық жобаларды жасап қорғады.

Фестивальдің ашылуында облыс әкімінің орынбасары Нұрымбет Сақтағанов облыс әкімінің құттықтауын жеткізіп, жыл сайын байқауға ынта білдірген жастардың, оның ішінде ауыл жастарының белсенділігі жоға­ры екенін тілге тиек етті.

Фестивальге елордадан шақырылған спи­­­керлер өз бағыттары бойынша жастармен ұжымдық жұмыс жүргізіп, кейстермен бөлісті. Жүлде қоры 3 000 000 теңгені құрады.

Байқауға қатысқан сырдариялық оқушы Тамырлан Жасұланұлы мен Асылжан Абдуллаев «Контент&Медиа» секциясы бойынша жоба әзірлеп, жүлделі екінші орын алды.

«Red-yurt» командасын құрып, осы атаумен жоба дайындаған Тамырлан мен Асылжан аудандағы №36 Ә.Тәжібаев атындағы мектеп-лицей және №210 О.Әбілпаттаев атындағы мектептің 10-сынып оқушылары.
– Инновациялық фестивальде «Контент­&Медиа» бағытын таңдадық. Арнайы жо­баға сәйкес пайдалы сайт ойлап тауып, Ютуб, тик ток аккаунтымызды ұсындық. Командамызды «Red-yurt» деп атауымыздың үлкен мағынасы бар. «Yurt» киіз үй деген сөз, бұл халқымыздың тұрмысы мен мәдениетін білдірсе, «Red» қызыл түс деген сөз. Қызыл түсті қанмен келген тәуелсіздік, баға жетпес қазынамыз. Жоба 4 негізгі бөлімнен тұрды. Біріншісі – «Тик ток» аккаунттары. Мұнда жас ұрпаққа және әлемнің басқа да елдеріне сүйікті Отанымыздың тарихын көр­сетеміз. Біздің 135 мыңға жуық тұрақты оқырманымыз бар. Айына 28 миллионға дейін қаралым жинаймыз, – дейді талапкер Т.Жасұланұлы.

Жобаның екінші бөліміндегі Онлайн кі­тапханада 100-ден астам кітаптарды оқуға мүмкіндік бар екендігі айтылады. Кітаптарға кітапхананың телеграмм каналына жазылу арқылы тегін қол жеткізуге болады. Үшінші бөлімде монтаждауды үйрететін, логотип, портфолио, түрлі сайт шығаруды көрсететін арнайы курстар бар. Курс­тан түсетін қаражат Qyzyl-jebe брендін шы­ғаруға жұмсалады. Жобаның көлемі жа­ғынан ең ірі және негізгісі болып саналатын төртінші бөлім команданың бренді Qyzyl-jebe насихатталады. Бұл тауар белгісі алдағы уақытта өзінің танымалдығы арқылы әлемдік нарыққа сатылатын болады.

Инновациялық фестивальге қатысқан мың­даған талапкерлердің арасынан оза ша­уып, бәйге алған сырдариялық жас өрен­дердің жобасы қазылардың ғана емес сол фес­тивальге қатысқандардың да оң ба­ға­сын алған.

Айту керек, фестивальге жоба ұсын­ған­­дар арасында робототехника, қысқа­метражды фильм түсіру секілді тың идея­­лар айтылды. Барлық қатысушылардың бойы­нан инновациялық идея мен креатив анық байқалып тұрды.

Бибісара ЖАНӘЛІ