Сыбайлас жемқорлық – қоғамның өзекті мәселесі

Қоғамымыздың барлық саласына дендеп еніп бара жатқан жемқорлықтың жолына батыл тосқауыл қойып, олардың зардаптарын жою және мүдделілерді жауапқа тарту бүгінгі күннің басты міндеттерінің бірі. Сыбайлас жемқорлық мемлекеттік басқарудың тиімділігін, елдің инвестициялық тартымдылығын төмендететіні, әлеуметтік-экономикалық дамуды тежейтіні баршаға мәлім.

Бүгін сыбайлас жемқорлық сипатындағы қылмыстарды болдырмау және алдын алу мақсатында Аманкелді ауылдық округі әкімі аппаратының жетекші маманы Ж.Жұманазаров мекеме қызметкерлеріне түсіндірме жұмыстарын жүргізді. Ж.Жұманазаров күн тәртібіндегі мәселе бойынша баяндама жасап, мекеме қызметкерлеріне сыбайлас жемқорлық көріністерімен кездескен жағдайда әрекет ету тәртібі, сыбайлас жемқорлық фактілеріне жәрдемдескені үшін көтермеленіп, мемлекет қорғауында болатындығы, сыбайлас жемқорлық сияқты құқық бұзушылықты анықтау, болдырмау, қоғамның әрбір азаматының борышы екендігі түсіндірілді.

Жиынға қатысушылар жемқорлық ауыр қылмыс екенін айтып, онымен күресуге әрбір азамат міндетті деген өз ойларын білдірді. Жиын соңында мекеме қызметкерлері сауалнама толтырып, ашық пікірлерін көрсетті.

Аманкелді ауылдық округі әкімдігі