Тіршілік тынысы Tirshilik-tynysy.kz ақпараттық агенттігі
» » Қызылорда облысында МӘМС жүйесінде сақтандырылмаған 130 мыңға жуық азамат бар

Қызылорда облысында МӘМС жүйесінде сақтандырылмаған 130 мыңға жуық азамат бар

Аймақта МӘМС жүйесінде сақтандырылмаған 130 мыңға жуық азамат бар. Олардың көбінесе 12 айға аударымдар мен жарналарды аудармаған тұрғындар, жеке кәсіпкерлер мен жалдамалы жұмысшылар. Бұл туралы облыс әкімінің орынбасары Нұрымбет Сақтағановтың төрағалығымен өткен МӘМС мәселелері жөніндегі өңірлік штаб отырысында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.

«Ағымдағы жылдың қыркүйек айында «МӘМС туралы» Заңға өзгерістер мен толықтырулар енгізілді. МӘМС - ға бір жыл бұрын жарналарды төлеудің жаңа тетігі басталды. Мысалы, МӘМС 2022 жылдың қазанынан 2023 жылдың қыркүйегіне дейін. Сақтандыру мәртебесі жыл бойы белсенді болады. Әр айға  
3 000 теңгеден барлығы 36 000 теңге болады. Бізге міндет қойылды – күн сайын өңірдің 198 тұрғыны «Сақтандырылған» мәртебесін алуы тиіс», –  деді Бақыт Исмаханбетов.

Облыс әкімінің орынбасары Нұрымбет Сақтағанов қала, аудан және ауыл әкімдеріне ағымдағы жылдың 1 желтоқсанына дейін өңірдің 12 мың тұрғынын сақтандыру мәртебесімен қамтамасыз етуді тапсырды.

Бүгінгі таңда МӘМС жүйесінде өңірдің 664 мыңнан астам тұрғыны немесе халықтың 83% – ы сақтандырылған (өңір халқы-800 820 мың адам). Бұл өңірдлер қиығында орташа көртескіштен төмен болып отыр.
20 қазан 2022 ж. 213 0