Сырдария аудандық қоғамдық кеңесінің атқарған жұмыстары

Сырдария аудандық қоғамдық кеңесінің құра­­­мы Қазақстан Респуб­ликасының «Қоғамдық кеңес­тер туралы» Заңына сәйкес Сырдария аудандық мәс­ли­­хатының 2022 жылғы 9 наурыздағы №124 шешімімен бекітілген. Сырдария аудандық қоғам­дық кеңес құрамы 15 адамнан құрылды.

Сырдария аудандық қоғамдық кеңес құрамы бекітілген күннен бастап, яғни 2022 жылдың наурыз-қыркүйек айлары аралығында 10 отырысы өткізіліп, 38 мәселе талқыланды. Оның ішінде Сырдария аудандық 2021 жылғы арналған мемлекеттік көрсетілетін қызметтер саласындағы атқарылып жатқан жұмыстар бойынша есеп тыңдалды. Сондай-ақ 2021 жылғы Сырдария аудандық бюджетінің атқарылуы туралы жылдық есебі кеңес мүшелерінің назарына ұсынылды. Сырдария аудандық полиция бөлімінің ағымдағы жылдың 8 айында атқарған жұмысы да күн тәртібіне шығарылды.

Қаралған мәселелердің ішінде қоғамдық кеңестің жұмыс жоспарына сәйкес мәселе­лер кезең-кезеңімен қаралуда. Атап айт­қанда, Мемлекет басшысының Қазақстан халқына арнаған кезекті Жолдауында атап көрсетілген ауылшаруашылығы өндірісін дамыту мақсатында шағын кәсіп­керлікті дамыту шараларын жүргізу туралы, ауыл тұрғындарының мал жайылымдық жерлерін заңдастыру (мақсатсыз жер пайдаланушылардан жерді қайтару жұмыстары) және көлдерді, жайылымдық жерлерін суландыру шаралары туралы тиісті сала басшылары қоғамдық кеңес алдында баяндама жасады. Мұнан бөлек Тереңөзек кентін абаттандыру, көркейту және көгалдандыру, санитарлық тазарту жұмыстарын ұйымдас­тыру, кенттегі тағы да басқа мәсе­лелер кеңес мүшелері тарапынан кеңінен талқыланды. Мұнан бөлек ас-құдайы берудегі ысырапшылдықтың алдын-алу жайлы, жастарды исламға қарсы діни ағымдардан сақтандыру, жат ағымдардың жетегіне ерудің алдын алу жұмыстарының ұйымдастырылуын тыңдаған Қоғамдық кеңес мүшелері бірқатар маңызды ұсынымдар енгізді.

Білім беру саласы да қоғамдық кеңестің бас­ты назарында. Кеңес мүшелері балалардың жазғы демалысын тиімді ұйым­дастыру және су айдындарында суға түсу мерзіміндегі қауіпсіздік шаралары туралы аудандық білім бөлімі басшысының есебін тыңдады. Онда инклюзивті білім берудің қол жетімділігі, онлайн оқытудың сапасы мен нәтижесі сараланды.

Сырдария аудандық қоғамдық кеңес оты­рысына ұсынылған нормативтік құқықтық актілер қаралып, тиісті қорытындылар берілді. «Мемлекеттік тұрғын үй қорынан тұрғын жайды пайдаланғаны үшін төлемақының мөлшерін белгілеу туралы» қаулы жобасына кеңес мүшелері өз ұсыныстарын енгізді. «Сырдария аудандық мәслихатының 2021 жылғы 28 желтоқсандағы «2022-2024 жыл­дарға арнал­ған аудандық бюджет туралы» №107 шешіміне өзгерістер енгізу туралы» Сырдария ауданы әкімдігі қаулы жобасы да кеңес мүшелерінің назарынан тыс қалған жоқ. Ал «Әлеуметтік көмек көрсету, оның мөлшер­лерін белгілеу және мұқтаж азаматтардың жекелеген санаттарының тіз­бе­сін айқындау Қағидаларын бекіту туралы» Сырдария ау­дандық мәслихатының 2020 жылғы 16 қыр­күйектегі №430 шешіміне өзгеріс пен толықтыру енгізу туралы шешім жобасы кеңес мүшелерінің оң қорытындысын алды. «Сырдария ауданының кент және ауылдық округтерінің 2022-2023 жылдарға арналған жа­йылымдарды басқару және оларды пайдалану жөніндегі жоспарын бекіту туралы шешім жобасы да қоғамдық кеңеске ұсынылды. Қоғамдық кеңесте талқыланған өзекті мәселелер қатарына «Сырдария ауданында мүгедектер қата­рын­дағы кемтар балаларды жеке оқыту жос­пары бойынша үйде оқытуға жұмсалған шығындарды өтеу тәртібін және мөлшерін айқындау туралы» Сырдария аудандық мәсли­хатының 2021 жылғы 28 желтоқсандағы №108 шешіміне өзгеріс енгізу туралы шешім жобасын айтуға болады. Сонымен қатар Сырдария аудандық қоғам­дық кеңесі кент әкімдігі мен аудандық полиция қызметкерлерімен бірлесіп, 2022 жылғы 15 маусымда кент тұрғындарына түсіндірме жұмыстарын жүргізіп, тұрғындарға төрт түлік малдарын өріске айдап, өрістен күтіп алу, малдардың көшеде бей-берекет қараусыз жүруін болдырмау, қоғамдық орында тазалық сақтау бағытында әңгімелесу ұйымдастырды. Қараусыз жүрген мал иелеріне кент әкімдігі мен учаскелік полиция инспекторы тарапынан айыппұл салынатыны ескертілді.

Кеңес мүшелері 20 маусым күні «Жалын» сауықтыру лагерiнде болып, лагерь қызмет­керлерімен, демалушы балалармен кездесті. Қоғамдық қеңес мүшелері балалардың жаз­ғы демалысын сапалы ұйымдастыру керектігін атап өтіп, «Жалын» сауықтыру лагерінің ұжымына бірқатар ұсыныстар енгізіп, жұмыс­тарына сәттілік тіледі.

Ағымдағы жылдың 27 маусым күні Қо­ғам­­дық кеңес мүшелері Сырдария аудан­дық емханасына арнайы барып, мониторинг жұ­мыс­тарын жүргізді. Мүм­кіндігі шектеулі азаматтарға көрсетілетін медициналық қыз­мет­­­тің сапасын қарап, емхана кіреберісінде орналасқан пандустың талапқа сай келетіндігіне көз жеткізді. Сала мамандарымен пікірлескен ау­дандық қоғамдық кеңес мүшелері науқас­тарға барлық жағдай жасалу керектігін айтты. Денсаулық сақтау саласының проблемалары күнделікті көңіл бөлінетін мәселеге айналуы тиіс екендігін атап өтті.

Сырдария аудандық қоғамдық кеңестің атқарған жұмыстары туралы ақпарат «Face­book» әлеуметтік желісіндегі «Сырдария ау­дан­дық қоғамдық кеңес» парақшасы мен «KAZ­KENES» сайтында жарияланып, аудандық мәс­лихат аппаратының ресми интернет-ре­сур­с­ында орналастырылуда.

Сырдария аудандық
қоғамдық кеңесі