Партия алаңында қоғамдық қабылдау өткізді

Қазақстан Республикасы Парламенті Мәжілісі Төрағасының орынбасары Балайым Туғанбайқызы Кесебаева Сырдария ауданына сапары аясында аудандық партия филиалының Қоғамдық қабылдау бөлмесінде аудан тұрғындарын жеке мәселелері бойынша қабылдау жасады. Аталмыш қабылдауға аудан әкімі, аудандық партия филиалының төрағасы Н.Ергешбаев, аудандық партия филиалының атқарушы хатшысы Е.Жақып және тиісті сала басшылары қатысты.

Қоғамдық қабылдау барысында тұрғын үймен қамту, білім саласы, жол, инфрақұрылымды дамыту және жұмыспен қамту бойынша тұрғындар тарапынан сұрақтар қойылды. Барлық сұрақтарға заң шеңберінде жауап қайтарылды. Сонымен қатар, тұрғындар тарапынан келіп түскен өтініштер жеке бақылауында болатындығын жеткізді.