Тіршілік тынысы Tirshilik-tynysy.kz ақпараттық агенттігі
» » Бекбауылдықтар бастамаға қолдау білдірді

Бекбауылдықтар бастамаға қолдау білдірді

Партия жанындағы референдумды қолдауға арналған штабтың мүшесі, ҚР Парламенті Мәжілісінің депутаты Бақытбек Смағұл бүгінгі сапарында Арал ауданындағы Бекбауыл ауылының тұрғындарымен кездесті.

Штаб мүшесі еліміздің мемлекеттік басқару жүйесін өзгертіп, саяси ахуалға жаңа дем беретін Конституциялық референдумның маңыздылығын тұрғындармен бірге талқылады.

«Референдум- бүгінгі таңда Қазақстанның ең негізгі күн тәртібі деп айтуға болады. Өйткені ҚР Контитуциясындағы өзгерістер халықтың талқысына салынып, сараланып барып қабылданбақ. Сондықтан Қазақстан азаматы ретінде елдің болашағы үшін, жаңа әділетті ел құру үшін ауқымды шарадан тысқары қалмайтындарыңызға сенемін»-деді «AMANAT» партиясы фракциясының мүшесі Бақытбек Смағұл.

Сондай-ақ сайлаушылармен кездесуге қатысқан аудандық штабтың мүшелері де жерлесітерін 5 маусым күні өтетін науқанға белсенді қатысуға шақырды.

Жиынға қатысқан Бекбауылдық тұрғындар бастаманы қолдап, өзгерістер жолын бірге таңдайтындарын айтты.
31 мамыр 2022 ж. 248 0