«Жаужүрек полк» акциясы онлайн форматта өтеді

Биыл «Жаужүрек полк» акциясы онлайн формат­та өтеді. Сонымен қатар Жеңіс күніне орай елордадан бастап еліміздің барлық өңірінде отшашулар ұйымдастырылмайды деп жоспарлануда.

ҚР Қорғаныс министрлігінің ақ­паратынша, «Жаужүрек полк» акция­­сына орай бірыңғай ақпарат платформа әзірленген. Сондықтан акция әлеуметтік желідегі парақшаларда өт­кізіледі.

– Мұнда акцияға қатысушылар ту­ралы бірыңғай деректер, сондай-ақ қазақстандық қатысушылар мен соғыс ардагерлері туралы мұра­ғат­тағы ақпарат пен тарихи анықта­малар жүктеледі. Платформада өз туысы туралы ақпарат пен дерек қал­дыруға болады. Ол ақпарат келер жылдары да пайдаланылады.

Еске салайық, ҚР Қорғаныс ми­нистрлігі биылғы 7 және 9 мамырда Отан қорғаушылар күні мен Жеңіс күнін мерекелеуге арналған әскери парадтарды өткізуден бас тарту туралы шешім қабылдағанын хабарлаған болатын. Мұндай шешім бюджет қа­ражатын үнемдеу және басқа да мәселелерді шешу қажеттілігінен туындады. Осы ретте 7 және 9 мамырда өткен әскери шерулер елде соңғы екі жылда пандемияға байланысты өт­кізілмегенін айта кетейік.

Айту керек, 2014 жылы Ұлы Отан соғысындағы Жеңістің 70 жыл­дығына орай Tengrinews.kz «Жеңім­паздар» жобасын іске қосты. Оған Қазақстанның әрбір азаматы қатыса алады. Толығырақ мәліметті ҚР Қор­ғаныс министрлігінің ресми сайтынан алуға болады.

«ТТ» ақпарат