Дауысымды алғашқылардың бірі болып бердім

Елімізде тағы бір саяси науқан өтуде. Бұл жолы ауыл әкімдерінің сайлауы. Осы сайлаудың орны бөлек дер едім. Себебі ауыл әкімдерін осы уақытқа дейін жергілікті мәслихат депутаттары сайласа, енді бұдан былай ауыл тұрғындары дауыс беру арқылы өз әкімін сайлайтын болады.

Міне, бүгін облыс бойынша 40 ауылдық округте әкім сайлауы өтсе, солардың бірі ретінде біздің ауылда да сайлау өз дәрежесінде өтуде. Таңертеңнен бастап алдымен ауылдың ақсақалдары мен еңбек ардагерлерінің қатарында өзім де дауыс беруге алғашқылардың бірі ретінде келдім. Сайлау учаскесінде барлық санитарлық талаптар сақталған. Дене қызуымыз өлшеніп, масканың міндетті болуы қадағалануда. 

Таңдауымды жасадым. Әрине, ауыл әкімі ең алдымен ел-жұртының қамын ойлайтын, халықтың мүддесіне қызмет ететін азамат болуы тиіс. Алдағы уақытта біздің ауылымыз да гүлденген ауыл қатарына қосылады деген сенімдемін.

Құралбай Қалбабаев,
Іңкәрдария ауылының тұрғыны, еңбек ардагері