Үйіме табыс пен байлық енсін десеңіз

Бір әйел үйінен сыртқа шыға бергені сол екен, есігінің алдында отырған нұрлы жүзді қарияларды көреді.

Олардың шаршап отырғандығын байқаған әйел сәлемдескен соң:

- Үйге кіріп тынығып алыңыздар. Шаршаған сияқтысыздар. Қонақ болыңыздар, - дейді.

Қариялар:

- Отағасы үйде ме? - деп сұрайды.

- Жоқ, әлі жұмыстан келген жоқ.

- Олай болса отағасы келсін, сосын кірерміз, - дейді қариялар.

Күйеуі жұмыстан оралған соң әйелі болған жайды баяндап береді.

Күйеуі:

- Қонақ – үйдің құты емес пе? Дереу шақырып кел, ас ішіп, әлденіп алсын, - дейді.

Қариялар әлі отыр екен. Әйел:

- Отағасы келді, үйге кірулеріңізді өтінемін, - дегенде қариялардың бірі:

- Біз үшеуміз бірге кірмейміз. Мына қарияның аты – Байлық, ал мына кісі – Табыс. Менің атым – Сүйіспеншілік. Біреуімізді таңда, - дейді.

Әйел ойланып тұрып:

- Ендеше, Сүйіспеншілік ата, жүріңіз, - деп үйіне кіргізбек болғанда үш қария да бірге үйге кіреді.

Дастархан басына отырып, жайғасқан соң Сүйіспеншілік күлімсіреп:

- Егер сендер Табысты немесе Байлықты шақырғандарыңда қалған екеуміз сыртта қалар едік. Алайда сендер бірінші мені шақырдыңдар. Ал мен қайда барсам да, Табыс пен Байлық міндетті түрде менімен бірге еріп жүреді, - депті

Шындықтан қаша алмайсың.