Қасиетті Құран Кәрімнің «Бақа­ра» сүресінің 185 аятында: «Рамазан – адам­дарға тура жол нұсқаушы, ақ пен қараны айырушы, бекем тұтынатын жолбасшы ретінде Құран түсіріле бастаған ай. Рамазан айы туғанын көрген адам бірден ораза ұстасын. Егер біреулер ауру болып, әйтпесе жол сапарда жүрсе, онда басқа күндерде өтесін. Алла сендерге жеңілдік болуын қалайды, ауырлық түсіргісі кел­мейді» делінеді. Яғни, осы айда Құран аяттары түсіріліп, мұсылман баласына оразаны парыз еткен.

– Жыл артқан сайын ауданда бес парыздың бірі саналатын ораза ұстау­шылар қатары көп. Қасиетті айда сыр­дариялықтар жақ­сы, ізгі амалдар жасады. Оның ішінде, қайырымдылықтар жиі ұйым­дастырылып, 140 мұқтаж отба­сыға азық-түлік таратылды. Сондай-ақ ораза ұстап, ауыз бекіткен 300-ге жуық тұрғынға ауызашар қоржыны үлестірілді. «Қайырымды болсаң, қайырын өзің көрерсің» дегендей, жомарт азаматтардың демеушілігімен аудандағы ата-ана­сының қамқорлығынсыз қалған 26 бүлдіршінге қаржылай «Рамазан сыйы» берілді. Осындай ізгі амалдар жыл бойы жалғасатын болады, – дейді ау­дандық мешіттің бас имамы Асхат Асқаров.

Ауданның бас имамы мұсыл­мандардың қасиетті мейрамында Ораза айт намазы биылғы ка­ран­тиндік шектеулерге байланыс­ты тиісті талаптар сақталып оқылғанын жеткізді.

Қасиетті айда ауыз бекітіп, жақсы істерге жаршы болған жамағат көп­шіліктің ризашылығына бөленді. Қамқорлық көр­ген жандардың алғы­сында шек жоқ. Мұндай амалдар адамдар арасында мейірімді болуға, әркез қайырлы іс жасау­ға үндейді. Сонысымен де Рамазан – барша қауым үшін ерекше ай.