Сайлау бізге таңдау еркіндігін берді

Бүгінгі сайлау бізге таңдау еркіндігін, сайлау құқығын берді. Әрине, саяси науқанға бару-бармау – әркімнің өз еркі. Бірақ, конституциялық құқығына орай әрбір азамат елдегі жаңа өзгерістерге өз үлесін қосу қажет.

Сондықтан бүгінгі сайлауда №157 сайлау учаскесіне барып, өз таңдауымды жасадым. Сол арқылы ел ертеңі жарқын боларына үлкен сенім білдірдім.

Бұл жолғы сайлау карантиндік талаптарға сай ұйымдастырылды. Тұрғындардың қауіпсіздігі үшін санитарлық шектеулер сақталып, індеттің таралмауын болдырмау басты талап болды. Осындай қауіпсіздік шаралары арқылы өткен саяси науқанда ауданның медицина қызметкерлері белсенділік танытты деген ойдамын.

Сандуғаш АСАНОВА,
жас дәрігер