Саяси жаңғырудың жалғасы

Президент Қ.Тоқаевтың Парламент Мә­жі­лісі мен мәслихат депутат­­та­ры­­ның сайлауын өткізу туралы Жарлы­ғы жарияланды. Соған сәйкес, Мемлекет басшысы халыққа Үндеу арнап, сая­си маңызы жоғары науқанды заң аясында ұйым­дас­тырудың алғы­шарт­тарын мәлімдеді. Мен ең­бек ардагері әрі кезінде халық қалау­лысы ретінде қоғаммен етене жұмыс істегендіктен бұл сайлаудың қоғамның әрбір мүшесі үшін маңыз­ды екенін сезінемін.

Жалпы, депутат атану – абырой және зор жауапкершілік. Сол абырой мен жауапкершілікті ұш­тастырып, қоғаммен тығыз араласып, халықтың мұң-мұқтажына құлақ асатын адам ғана депутат болуы керек. Сондай-ақ, қазіргі кезеңнің күрделі екені бәрімізге белгілі. Сондықтан істің басына нағыз елжанды, патриот, білімді жә­не тәжірибелі азаматтардың кел­­­­гені дұрыс.

Соңғы екі жылда Елбасы сая­сатының сабақтастығы негізінде елі­мізде саяси жаңғыру жұмыстары кеңінен жүргізілуде. Бұл жолғы сайлау да саяси жаңғырудың жалғасы. Дәлірек айтқанда, ілгері басудың серпінді қадамы жасалмақ. Бір анығы, барлығы заң аясында ұйым­дастырылады деп жоспарлануда. Бұған Ел Президентінің өзі кепілдік берді.

Қазақстан Тәуелсіздікке қол жет­кізген уақыттан бастап өзінің сая­си жолын айқындады. Бір мақ­сат, бір мүдде жолында қолға алынған істер нәтижесіз емес. Әсіресе, әлеуметтік-экономикалық даму бағытында көп жұмыстар ат­қарылды. Сол жұмыстардың сапалы әрі уақытылы іске асуына депутаттар өз үлестерін қосып келеді және алдағы сайлаудың қорытындысынан кейін де бұл жұ­мыстар жанданатынына сенемін.

Бексұлу СИНАЕВА,

еңбек ардагері,

Қазақ ССР Жоғары Кеңесінің бұрынғы

депутаты