МӘМС-тің басым бағыттары түсіндірілді

Аманкелді ауылдық округі әкімі аппаратының ғимаратында аудандық ауруханасының мамандандырылған бөлім меңгерушісі Ерімбет Сексенбай Бұхарбайұлы және аудандық кірістер басқармасының, аудандық жұмыспен қамту орталығының мамандарымен бірге міндетті әлеуметтік медициналық сақтандыру жүйесі және Қазақстан Республикасының электрондық үкіметі – Egov.kz әлеуметтік мәртебесін тексеру алгоритмі және Міндетті әлеуметтік медициналық сақтандыру сайтында FMS.KZ әлеуметтік мәртебесін тексеру алгоритмі туралы халық арасында түсіндірме жұмыстарын жүргізді.

– МӘМС-тің мақсаты: тұрақты дамуды, қаржыландыру жүктемесін әділ бөлуді және денсаулық сақтау жүйесінің қауіптерін кешенді қорғауды қамтамасыз ету, –деді Сексенбай Бұхарбайұлы.

Мұнан соң “100 Нақты қадам” Ұлт жоспарындағы 80 қадам - Денсаулық саласында «Міндетті әлеуметтік медициналық сақтандыру жүйесі» (МӘМС) кезең-кезеңмен енгізілетіндігін, денсаулыққа мемлекет, жұмыс беруші және әрбір азамат арасындағы жауапкершілікті нығайту екендігін жеткізді.

Республика азаматтарының заң белгілеген медициналық көмектің кепілдік берілген көлемін тегін алуға құқығы бар екенін айтты.

Кездесуге қатысушылар МӘМС туралы сұрақтарын қойып, толыққанды жауап алды.

Б.Жанәлі