Мемлекет басшысы өзінің халыққа арнаған Жолдауында құ­қық қорғау органдары қыз­мет­керлерін қызметке қабыл­дауға қатысты талаптарды қай­­та қарау қажетін айтқан бо­латын. Міне, осы тапсырма негізінде құқық қор­ғау органдарына қызметке қа­­былдаудың жаңа тәртібі жарияланды.
Бас прокуратура құқық қорғау органдарымен бірлесе отырып, прокуратура органдарына, сы­байлас жемқорлыққа қарсы қыз­метке және экономикалық тергеу қыз­метіне кадрларды даярлау мен іріктеудің бірыңғай тәсілін әзірледі. Бұрын бұл органдардың әр­қайсында конкурс өткізу, ре­зервке қабылдау, кандидаттарды іріктеу, қызметке қабылдау, кадр­ларды орналастыруда өзіндік тәр­тібі болатын. Осы уақытқа дейін әрбір орган өзінше жеке ше­шім шығарып келген болса, енді бірыңғай тәсілге көшпек.
Сондай-ақ «Құқық қорғау қызметі ту­ра­лы» заңның 11-бабына өз­геріс енгізіліп, соған сәйкес, енді құқық қорғау қызметіне кірудің басты шарты ретінде бастапқы кәсіптік даярлықтан өту міндетті болады. Сондай-ақ ашықтық пен жариялылыққа басымдық берілмек.
Жалпы, елдің әр аймағында құ­қық қорғау органдары ма­ман­дарын даярлайтын арнайы оқу орындары бар. Мем­лекеттік басқару академиясы, Сот академиясы, Ішкі істер ми­нистрлігі, Қорғаныс минис­трлігінің оқу орындары жұмыс істейді. Қазіргі таңда бізде заң саласы жалпылама оқытылады. Ал бітірген жас маман ертең қызметке барған кезде қарапайым мәселелерді білмей жатуының бір себебі де осында. Енді жұмыс нәтижесін көтеру үшін тәжірибеге көбірек мән берілмек. Яғни, бұл жерде басты шарт – білім алушыны арнайы болашақта қызмет ететін органға бағыттау және білімді маманды қызметке алу.
«Халыққа жақын полиция» жобасында көп мәселе айтылған. Оның бәрі құқық қорғау саласын дамытуға бағытталған. Әрине, кадрлардың біліктілігі өте маңызды. Сондықтан елге адал қызмет етуді, құқық қорғау саласында жұмыс істеуді армандайтын әрбір азамат студент, тіпті оқушысы кезінен бастап дайындалуы керек.