Жазасын өтеушілердің құқықтары қорғалады
Тәжірибе көрсеткендей, нақты «проблемалық бағыттарға» көңіл бөлу және оларды шешу сыбайлас жемқорлықтың алдын-алудың ең тиімді әдістерінің бірі болып табылады. Сондай-ақ, сыбайлас жемқорлықтың алдын алу, сыбайлас жемқорлыққа қарсы іс-қимыл шараларына қарамастан облыс бойынша қылмыстық-атқару жүйесі департаментінің саласына байланысты жағдайда көңіл қуантатындай емес.Осыған орай, Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің ұйымдастыруымен, Сыбайлас жемқорлыққа қарсы мәдениетті қалыптастыру, сыбайлас жемқорлықтың алдын алу және айыпталушылар мен сотталушылардың құқықтарын қорғау мақсатында облыс бойынша қылмыстық-атқару жүйесі департаменті мен оған қарасты түзеу мекемелерінің басшылығымен кездесу өткізілді.
Кездесуге, Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаменті басшысының бірінші орынбасары Б.Ниязов, облыс бойынша қылмыстық-атқару жүйесі департаменті бастығының міндетін атқарушы М.Накенов, «Ақмешіт – адалдық алаңы» жобалық кеңсесінің жетекшісі Ж.Тұсмағамбетов, Қызылорда облысы бойынша ұлттық алдын-алу тетігінің қатысушысы С.Теңізбаев және ЗК-169/1 мекемесі мен 3К-169/5 аралас режимдегі түзеу мекемесінің және 3К-169/4 қоныс калониясының басшылары қытысты.
Кездесуде, облыс бойынша қылмыстық-атқару жүйесі департаментіне қарасты түзеу мекемелеріндегі қызметкерлердің қызметін асыра пайдалану, айыпталушылар мен сотталушылардың құқықтарын қорғау мәселесі және сыбайлас жемқорлықтың алдын алу бағытында атқарылған шаралардың нәтижесі қаралып, қорытындысы мен ұсыныстар берілді.
