Иіссу, сусабын және басқа да косметикалық және гигиеналық өнімдер ауаны ластайды. Олардың зияны көлік пен темекіден шығатын түтіндікімен бірдей. Бұл туралы Science журналында жарияланған мақалада айтылады.

«Негізінде, бензин толық герметикалық контейнерлерде сақталады және одан ұшатын заттар көліктің қозғалтқышында жанады. Екінші жағынан, дәл сол заттар жеке гигиенаға арналған өнімдерде қолданылады. Өйткені, олар жақсы буланады. Адамдарға мұндай өнімдердің иісі ұнайды, бірақ бензинді ешкім иіскемейді», - деді АҚШ-тың мұхит және атмосфералық зерттеу әкімшілігінің (NOAA) қызметкері Джессика Гилмэн (Jessica Gilman).