Көпбалалы аналарға берілетін жәрдемақы көлемі өзгереді

Еңбек және халықты әлеуметтік қорғау министрі Тамара Дүйсенова биыл көпбалалы аналарға берілетін жәрдемақы көлемі өзгеретінін айтты, деп хабарлайды Egemen.kz. 

Министр атап өткендей, Әлеуметтік кодекске жаңа ұғым - «Аналарды марапаттау» енгізілді. Дүйсенованың айтуынша, ол «Күміс алқа», «Алтын алқамен» марапатталған немесе бұрын «Батыр ана» атағын алған, I және II дәрежелі «Ана даңқы» ордендерімен марапатталған әйелдерге беріледі.

«Марапатталған аналарға төленетін жәрдемақының мөлшері де сараланады. Бүгінгі таңда 6-7  және одан да көп бала туып, өсірген аналар бірдей мөлшерде жәрдемақы алады. Әлеуметтік кодекстің қабылдануымен аналарға берілетін жәрдемақы мөлшері де өзгереді. 7 және одан да көп баласы бар аналарға төленетін жәрдемақы 7,4 АЕК-ке дейін өседі», деп нақтылады Тамара Дүйсенова.