Бішкекте Қауіпсіздік кеңестері хатшыларының, ұлттық қауіпсіздік жөніндегі кеңесшілерінің Ауғанстан мәселесі бойынша алтыншы өңірлік диалогі өтті. Жиынға Қазақстан Республикасы Қауіпсіздік Кеңесінің хатшысы Ғизат Нұрдәулетов қатысты.Іс-шараға қатысушылар Ауғанстан­дағы жағдайдың дамуы және оның өңір­лік қауіпсіздікке әсері жөнінде пікір алмасты.Ғизат Нұрдәулетов Ауған аумағындағы жағдайды айқындайтын бірқатар факторды атап өтті. Осы ретте негізгі қауіп бұрынғыша терроризм мен экстремизмнің, заңсыз есірткі айналымының таралуына, қару-жарақ сатуға және заңсыз көші-қонға байланысты болып отыр.Трансшекаралық суды пайдалану мәселесіне де ерекше назар аударылды. Қауіпсіздік Кеңесінің хатшысы осы қауіп-қатерлерді барынша азайту үшін Ауғанстандағы жағдайды, оның ішінде әлеу­меттік-экономикалық жағдайды тұрақ­тандыру ісіне көмектесуге бағыт­талған бірлескен жұмыс қажет екенін айтты.