Эвересті бағындырған Непал азаматы әлемдік рекорд орнатты
Непал тұрғыны Гималай тау сілемдерінің ең биік шыңы Эвересті 26-рет бағындырып, әлемдік рекордқа қол жеткізді, деп хабарлайды «Хабар 24».52 жастағы Ками Рита он альпиниспен бірге әлемнің биік нүктесіне оңтүстік-шығыс бағытымен шыққан. Осылайша непалдық спортшы бір жыл бұрын өзі орнатқан рекордты жаңартты. Айта кетейік, Непал туризм департаментінің мәліметі бойынша 1953 жылдан бері Эверест шыңына 10 мыңнан астам альпинист көтерілген. Олардың 300-ден астамы шыңды бағындыру жолында өмірімен қоштасқан.
