Түрік кәсіпкері ғарыш күнін ерекше атап өтті

Аданалық түрік кәсіпкері ұлттық тағамын арнайы құрылғымен көкке ұшырды, деп хабарлайды «Хабар 24».

Мейрамхана иесінің бұл әрекеті әлемдегі ақпарат құралдарының ең көп қаралған хабарына айналды. Кәсіпкер отқа қақтаған етті арнайы жәшікке салып, оған бейнекамера мен GPS трекер орнатқан. Ал көкке гелий толтырылған шар алып ұшты. Сөйткен кәуап 35-40 шақырымға дейін көтеріліп, кейін шар жарылып, сол жерден 120 шақырым қашықтағы Хатай провинциясына құлаған. Бірақ кәуап – бұзылмаған. Эксперимент авторы өз тағамын ғарышқа жеткізе алмағанымен, ғарыш күнін осылай атап өтті.