Синоптиктер 10-112 сәуір аралығында ауа райының қандай болатынын айтты, деп жазады Qamshy.kz ақпарат агенттігі Қазгидромет РМК өкілдеріне сілтеме жасай отырып.
"Қазақстанның солтүстігінде орналасқан циклон және онымен байланысты атмосфералық фронттар көптеген облыстардың кей жерлеріне жаңбыр және ылғалды қар түрінде жауын-шашын, тұман және көктайғақ алып келеді. 10 сәуірде батыс аймақтарға жауын-шашынсыз ауа-райы тұрақталатын антициклон жылжиды", - дейді Қазгидромет РМК өкілдері.
Синоптиктердің айтуынша, Оңтүстік облыстарда дауылдық ескерту жарияланған. 10 сәуірде Қызылорда, 9-11 сәуірде Оңтүстік Қазақстан облыстарының  кей жерлерінде түнде 1-3 градус үсік сақталады, 11-12 сәуірде түнде Жамбыл, Алматы облыстарының кей жерлерінде 5 градусқа дейін үсік күтіледі.
Айта кетсек, алдағы үш тәулікте Қазақстанда ауа температурасы орташа көпжылдық мәнге жуық болады екен.